لباس الرداين
كلمات : ابراهيم آل عبيه
آداء : صدى نجران – بدر العزي
لتحميل mp3 :

رفيف الشوق له في الجاش جره
وله ماسط عيوني بواين

على اللي زلّف ضعونه ودبر
وانا والضيق من عقبه خداين

رخيم الصوت براق الثنايا
مغيبه يصحي جروح دفاين

يشجني ولي عرّض شعفني
وخفاقي على نفرته شاين

تناما في الفواد وله مقرا
ولا اهفيته على درب الهواين

تحوفني الهموم اليا تنازح
وامد الشوف في طيفه واعاين

قطع مني خطوط التابلاين
عسى مافي ضميره لي وحاين

اجي للمشبر اللي حول بيته
والد لطارف الذكرى واعاين

اباديه الغلا واكناه جدا
وهو ماكان بوار وخاين

عسى طول المدى صوبي يرده
ويطفي بالوصل شوق وغباين

نقلت الحرف فوق الطوفريه
واسقي من مضاميه الشحاين

يشيب القاف وابياته تيتم
ولا اغفل دون لباس الرداين