طرق وقاف ll كلمات فالح شتين المسردي ll أداء فلاح المسردي و محمد العيافي ll
رابط الشيلة mp3
يقولون اقول يا فالح عسى ماعليك خلاف
وانا اقول وش باقي من الشين ماجاني
وانا ماذبحني كود همٍ ورى الانجاف
همومٍ اخفيها عن فلان وفلاني
سقى الله زمانٍ راح ولا بدون انكاف
عليها العيون تهل سبار الامزاني
زمان البدو تسرح وتضوي على المعلاف
زمان العرب في سلمها مثل الاخواني
زمان الهوى وضح النقا واضحٍ ينشاف
زمانٍ كثير الناس في الحب من داني
وجودي على حبٍ مضى ماضي الاسلاف
وجود المنيع اللي مع القوم وحداني
على واحدٍ حبه لعبي وانا ميهاف
اسوق لقدم في نحيَته والعمر فاني
خدين الهوى بيني وبينه عهد واعراف
وليفٍ معي في فرحتي وأكبر أحزاني
توح العواذل والعواذل على ميلاف
تشتت شمل خلان من طول الازماني
تصبرت مير الموت في ذبة المشراف
تجيب الوليف وطبعي أنسى اللي ينساني
ألا يا زماني ليه تسرف عليَ اسراف
أشقيت عيني والهموم إتمثناني
خليتني لا ضقت غنيت طرق وقاف
صبيت غيضي في مطامين قيفان
اترك رداً