شيلة محطات العبور
كلمات : عامر العايذي
أداء : عادل العصميم

لتحميل mp3 :

الصداقه تالي الوقت صايبها فتور
راح من يفدي خويه بدمه ولحمه
كم خويٍ راح هافي ولا يمكن يبور
وطاح من دون الهقاوي عسى الله يرحمه
ولـو تـعذر يوم كامل فلا هو بمعذور
ينقل البندق ما دام الفشق من محزمه
جعله فدا اللي ليا احتجت ما يشكي قصور
يا عساني ما أعدمه يا عساني ما أعدمه
والمظاهر غرّت الناس في تالي العصور
والرجال مجرّبه ( والحظوظ مقسّمه )
والضعيف لا مدحت الكفو عنده يثور
لو تقول فلان مطلق تمنى يصدمه
واليمين اللي ما تكرم عساها ماتزور
مكه وطيبه وكل الخلايق محرمه
والتجارب في زمنّا محطات العبور
كل يوم يحاسب الرجل زلات قدمه
والكلام المختصر فيه خير وفيه نور
ينتبه الانسان في كل ما ينطق فمه